EM DE TÊKOŞANA JI BO KÊMNETEWA BERDEWAM BIKEYN 

 01.6.2006

Hewlêr/Hesen Elî/FPZ--- Kurde bajarên Xanekqîn, Dîyala û Şexan ji bo bikevine nava sînorên Hikumeta Herêma Kurdistanê ev demeka dirêje tekoşanên corev cor diden. Lê hêşta ev bajarên Kurda girêdayî rêveberîya Iraqê ne, hîç mafekî wan yê sîyasî, aborî û civakî nîne û her êrîşên tîrorî jî li ser wanin.

Hikumeta Herêma Kurdistanê jî her roj têkoşaneka xurt ji bo ku ev bajarên Kurdan bibene ser bi Kurdistanê ve didet. Wekî berdewamîya vê têkoşanê pençşemba borî Fermandê Fermanda Pêşmergeyê Zerevanî li Nergizîya nêzîkî Bertilla û Başika di gel Ereb, Keldanî,Aşuri, Şebek û Tirkumanên Xusrabat û Şexan ê kombunek pêk êna.

Matran Xurî Polîs Xemî, berbirsê Liqa 14. Xalîb Fazilaxa, 14 mixtar, 10 mela, rêveberên Navenda Çanda Maco û Welat ya Şebekan, girêgirên Tirkumanan û gelek şex  ji herêmên Xusrabat, Şexan, Al Kuş, Tuliskof, Tilgef û Batmanê di vê kombunê da amade bûn.

Fermandê Fermanda Pêşmergê Zerevanî Cineral Azîz Weysî di axaftina xwe ya di kombunê da got, Bizava Azadîya Kurdistanê ji bo tevayî kêmnetewa jî têkoşanê diket û ev têkoşana wê dê her berdewam bît.

Cineral Weysî di berdewamîya axaftina xwe da got: '' Gelên Kurd, Aşur, Keldan, Tirkuman û Ereb li ser vê xaka pîroz pêk ve jîyaye û ji bo aştîyê jî pêk ve têkoşîyane. Hindek devrû dor ji bo ku ev biratîya xwedan dîrokeka dirêj û vê palpiştîya navbera gelan xirab biken dixwazên tovên dijminatîyê biçînin. Divet em jî nehêne listîkên wan û van pîlanên wan xirab biken. Divet em biratîya navbera gelan û hewkarîya wan xurttir biken.''

Fermandê Fermanda Pêşmergê Zerevanî Cineral Azîz Weysî di dumahîka kombunê da arîşeyên xelkî guhdar kir û soz da ku ji bo çareserkirna van arîşeyan çi ji destê wan bêt dê biken. Kesên li ser navê Aşurî, Keldanî, Suryanî, Ereb, Êzîdî, Tirkuman û Şebekan jî fîlên bi naveroka arîşe û daxwazên xwe teslîmî Cineral Azîz Weysî kirin da ku bighîne Hikumeta Herêma Kurdistanê.

----------------------------------------------------------------------------------------vegere