|
03..6.2007
Hewlêr/Hesen
Elî/FPZ---
Polîtbîroya PDK-ê û YNK-ê
eniya (cephe) siyasî ya li Qahîreyê hate ragihandin bi tundî
şermzar kir. Îdia ew e ko, eniya ko di 29-ê nîsanê de li Qhirêyê
hatiye ava kirin bi arîkariya rêxistinên mixaberatên welatên
xêrnexwazên kurdan hatiye ava kirin. Di vê eniyê de rêxistinên
wekî Hizba Îslamî, Wîfaq û Yekgirtûya Îslamî ya Kurdistanê û
kesên kevenebe’sî û aligirên rejîma Sedamî cih digirin.
PDK-ê û YNK-ê
vê eniyê wekî hewildaneka dijmînê gelê kurd dibînin û dibêjin ev
eniya siyasî bi arîkariya rêxistinên îstixbareta wan walatên ko
dixwazin Kurdistanê dagir bikin hatiye ava kirin.
Gelek balkêş e
ko Partiya Yekgirtûya Îslamî ya Kurdistanê jî di vê eniyê de ye,
ko ev partî hem di Parlametoya Kurdistanê de hem jî di hikûmeta
Kurdistanê de cih digire. Niqteye ka dî ya ko dîvê îşaret pê bêt
kirin ew e ko ti derdôrên şiîyan di vê eniyê de cih nagirin.
Herdu
polîburoyên PDK-ê û YNK-ê daxuyaniyeka hevdeş sebaret bi wê
eniya siyasî ya ko di 29/4/2007-ê de li Qahireyê hatiye
ragehandin belav kirin; ev jî teksta wê ye:
"Herdu
polîtburoyên PDK-ê û YNK-ê, pir bi dilgiranî û ecêbmayî çav bi
vê daxuyaniya di 29/4/2007-ê de hatiye derxstin ketin ko,
avakirina eniyeka siyasî tê de hatiye ragehandin. Mixabin ev enî,
mil bi milê Wîfaq, Hizba Îslamî û kevnexaînên li dijî gelê kurd,
yên ko aligirên bêbavên Sedamê xwînmij hatiye ava kirin û hin
kesên şovîniyên li dijî maf û awatên gelên Îraqê ko bi herdu
neteweyên sereke kurd û ereb ve, di vê eniyê de ne.
Civîna ko
mixaberatên welatên biyanî organize kiribû, eniyeka siyasî jê
çêbû û ev enî dijminê karwênê demokrasiyê yê gelê Îraqê ye û
hewla jinavbirina destkeftiyên destûrî dide.
Lewma tiştek
xweza ye ko em hest bi dilgiranî û ecêbiyê bikin ko, çawa hin
hêzên nîştîmaniyên Îraqî yên dost ev yêk pesind kirin ko serê
xwe ji bo hezkirinên mixaberatên biyanî bînin xwar û bi civîn û
bi serperştiya wan eniyeka siyasî ava bikin.
Ka banga
serxwebûn û retkirina destêwerdana derve ya karûbarên nêvxwe yên
Îraqê? Ka bi dengvehatina yêkperçeyî ya nîştîmaniya Îraqê?
Vê eniyê hêzên bineretî yên gelê Îraqê pişt guh ve avêtine û bi
ser wan de baz dane û di pişt wan re kar dike û digel saziyên
mixaberatî yên welatekî alîkariyê dikin ko ev welat riştbûna xwe
ji bo dagîrkirina Îraqê venaşêrin?
Gelo ev yêk
çespandina tayefegeriya neciwan û nijadperistî û şovîni ye, ko
di demekê de piraniya şîeyan û hêzên nîştîmaniyên gelê kurd
piştguh ve avêtine? Gelo kesên nîştîmanperwer hêjayê wê ne ko
havpeymanê xwe yên bineretî û dîrokî piştguh bêxin û alîkariya
nûnerên cahşên xiyanetkar û demargîr û şovenî bikin?
Lewma herdu
polîtbîroyên PDK-ê YNK-ê, vî karê ko dualiyê çê dike û zirarê
dide yêketiya nîştîmanî û karwanê demokrasiya Îraqê, şermezar û
rûreş dike.
Di heman demê
de em daxwazê li xêrxwazên Hizba Îslamî, lîsta Îraqiyê û
Yêkgirtuya Îslamî ya Kurdistanê dikin ko ew vegerin nav rêzên
hevpeymaniya berfereh û li vê eniya siyasî ya gumanjêkirî ya ko
dijmina bi destkeftiyên demokrasî û destûriyên gelê Iraqê ye
vekişin.
Ev eniya ko
berdewambûna tê de, dibe sedema deriz têketineka xeternak di
rêza nîştîmanî ya iraqî û çespandina tayefegerî û arezûyên
şovênîzmî yên dijî gelê kurd e.
Daxwaz û rica
û hîviya me ew e ko birayên xêrxwaz hest bi vî karê tirsinak
bikin. Her hîvî û ûmêda me ew e ko zanayî û nêrînên siyasî yên
hûşmend û dûrbîniyê bi kar bînin.
-----------------------------------------------------------------------------------------vegere |
