Di Şahîya Dostanîya Kurd û Korîyan de Korîyan Dîlana Kurdî Kirin  

23.5.2006/Hewler

Hewlêr/FPZ --- Hêzên Korya Başur ku li Kurdistanê erkê xwe pêk tînin, ji bilî karê leşkerî hindek çalakîyên civakî û çandî pêk tînin.

Duhî li kempa Tîpa Zeytun a Hêzên Korya Başur ku li Hewler a paytextê ye şahîyek bi armanca dostanîya Kurd u Korîyan pêk êna.

Parêzgerê Hewlerê Newzat Hadî, Wezîrê Çanda Kurdistanê Felekedîn Kakeyî û Fermandê Fermanda Pêşmergeyên Zerevanî Cineral Azîz Weysî di şahîyê da amadebûn.

Di şahîyê da musîka gelerî ya Korya Başur, hindek sketch û dîmenên folklorî û çend berhemên zarokên Kurd di gel leşkerên Korî de hatin pêşkêşkirin. Berî ku şahî bi dumahîk bê, cineralê Korî, Werîrê Çanda Kurdistanê Felekedîn Kakeyî û parêzgerê Hewlerê Newzad Hadî axaftinên li ser dostanî û birayetîya gelên Kurd û Korî kirin.

Di dumahîkê da leşkerên Korî bi musîka Kurdî ra dîlan kirin.

-----------------------------------------------------------------------------------------vegere