|
 Hewlêr/Karwan
Mizûrî/FPZ---
Le rojî yekşeme rêkewtî 17.9.2006 berêz Mesud Barzanî Serokî
Kurdistan le Selahedîn be amadebûnî berêzan Kosret Resul Elî
cêgirî Serokî Kurdistan û Ednan Muftî Serokî encumenî nîştîmanî
Kurdistan û Dr. Kemal Kerkukî cêgirî Serokî encumen legel
berêzan Dr. Fuad Mesum Serokî kutley hawpeymanî Kurdistan le
perlemanî Îraq û Arif Teyfur cêgirî Serokî perlemanî Îraq û
endamanî lîstî hawpeymanî Kurdistan kobuwewe.
Paş deqîqeyek
westan û xwêndinî suretî fatîhe bo gîyanî pakî şehîdanî
Kurdistan, Serokî Kurdistan leser diwa peresendinekanî ser
gorepanî sîyasî Îraq û karekanî encumenî niwêneran û helwîstî
hawpeymanî Kurdistan witeyekî arastey Serok û endamanî kutley
hawpeymanî Kurdistan le perlemanî Îraq kird ke le layen
berêzîyanewe banghêşt kirabûn.
Le seretay
witekeyda, Serokî Kurdistan amajey bew tebayî û birayetîye kird
ke le nêwan kutley hawpeymanî Kurdistan bedî dekrêt û buwete hoy
peydakirdinî qursayîyekî sîyasî leser gorepanî Îraq da û bebê
ême natwanirêt hîç şitêk le Îraqî niwêda bikrêt ke emeş mayey
ser berzî û şanazîmane.
Herweha
amajey bo eweş kird ke kurd rolêkî giring debînin û bûnete xalî
hawbeşî nêwan pêkhatekanî dîkey Îraq le pirosey siyasî Îraq da û
lew ruwe rolî berêz Mam Celal Serok komarî Îraq î fîdiralî berz
nirxand û stayşî rolî xelkî Kurdistanî kird ke êsta xawenî yek
perleman û yek hikumetin û rengdanewey ew role le behêz kirdinî
helwêstî hawpeymanîy Kurdistan leperlemanî Îraq da û yekbûnî
îradey gelî Kurdistanîş bezaminêkî gewrey dana bo wedîhênanî
mafî gelî Kurdistan le Îraqî fîdiral da bo yekbûnî ew îradeyeş
Serokî Kurdistan sebaret beyekxistinî hêzî pêşmerge amajey bewe
kird ke wa debînra ke em yekxistine qurstirîn şit bê, belam paş
danîştinî legel herdû la qenaetêkman lela dirust bû ke eme
asantirîn şite.
Sebaret
begendelîş, Serokî Kurdistan tekîdî lewe kirdewe ke em dîyardeye
heye û xerîkîn çend şarezayek le derewe bihênîn û legel
berpirsanî Kurdistan dabinîşîn û dîraseyek amade biken bo
çaresekirdinî ew dîyardeye ke berastî şitêkî namoye le naw
cestey komelî kurdewarîda û herweha le naw cestey hizib û layene
Kurdistanîyekan, bernamey ew hemû hizbane bo ewe bû ke mîlet
rizgar biken, mîletîş dengî pêdan bo ewey ayindeyekî
pirşengdarîyan bo dabîn bikrê, belam hendê dîyarde hen ke debê
binbirr bikrên û zîyatir leme azarî ew cesteye neden, ême
geşbînîn be eday naw hikumet, herweha be eday naw perleman, ew
însicamey ke le naw hikumet û perlemanî Kurdistan bedî dekirê
zîyatire le rabînînî ême betaybetî bo em qonaxe seretayîye le
pirosey yekgirtineweda.
Şerî nawxo
şitêkî xirap bû, belam hemû mîletan em qonaxeyan birîwew
giringîş encameke supasî bû xiwa hemûman encameke be îcabî
debînî xelkî Kurdistanîş geyiştote ew bawerîyey ke debê hemûman
pêkewe bo serxistinî ezmûnekeman karbikeyn. Netewekanî dîkey
herêmî Kurdistan her heman mafî kurdîyan heye bebê ferq û
ciyawazî û ew birganey ke le destûrî Îraq da sebaret be
mafekanîyan hatûn bo hewlî kurd degerêtewe û bebê em hewile hîç
nedekira.
bo giftugo û dananî alîyetêkî guncaw bo hemahengîkirdinîş Serokî
Kurdistan daway le kutley hawpeymanî Kurdistan û perlemanî
Kurdistan û Serokayetî herêm kird ke alîyetêk bidoznewe taku
karekanyan berêkî û beşêweyekî guncaw û baştir berew pêş birwat
û agadarî yektirbin.
Lemer meseley
destûrî Îraq îş, Serokî Kurdistan sebaret bew hewilaney diwa. Ke
deyanewê destkarî destûr biken û lew ruweweş tekîdî le Serok û
endamanî kutley hawpeymanî Kurdistan kird ke nabê destûr leser
hîsabî gelî Kurdistan destkarî bikrê û dûpatîşî kirdewe ke
meseleyeke kotayî pêhatbû û cêy mişt û mir nîye û sebaret be
fîdiralîyetî başûrîş gelî Kurdistan lagîrî û piştîwanî lew
fîdiralîyete dekat.
Lebeşêkî
dîkey kobûnewekeda, Serokî Kurdistan daway le kutley hawpeymanî
Kurdistan kird ke debê dakokî le lîjney cêbecêkirdinî madey
(140) î destûrî Îraq bikrê û karî cidîşî bo bikrê û ew madeyeş
her debê cêbecê bikrê.
herweha daway kird ke zîyatir bayex be dadgay taybet be enfal
bidrê û piştgîrî le lîjney dakokîkar le mafî enfalkirawekan
bikrê û sebaret be budcey salî 2007 îş, berêzîyan daway kird ke
ew rêjeyey bo herêmî Kurdistan danrawe bew sinûrey êstay le
encûmenî niwêneranî Îraq dakokî lê bikirê, çunke ewe dedirête
herêm lew rêjeye kemtirew rêjey eslîyekeş debê paş cêbecê
kirdinî madey 140 û ew şiwênaneyîs ke dexirênewe ser herêmî
Kurdistan zîyad bikirê.
Le kotayî
witekeşîda, Serokî Kurdistan cextî leser ewe kirdewe ke debê
behemû tiwanayek kar bo Îraqêkî fîdiral û dîmukrat bikrê û rê
nedirê carêkî dîkey xelkî şovênî hukmî Îraq biken û meseley
helnedanî alay be'sîş le Kurdistan da beşer firoştnêk be kurd
leqelem da û tekîdî lewe kirdewe ke le biryarekey Serokayetî
herêm basî ewe nekirawe ke alay Îraq dagîrê, belku tekîdî leser
heldanî alay komarî 14 î temuz kirawe û ew meseleyeş ewendey
nedehêna ke ew helayey leser dirust bikirê.
Paşan berêz
Kosret Resul Elî cêgirî Serokî herêmî Kurdistan le witeyek da
basî barî nawxoy Kurdistan î kird û amajey bewe kird ke em bare
le hemû kat baştire û xelkî nahez hesûdî man pê deben û dawaşî
le kutley hawpeymanî Kurdistan kird ke le meseley gorînî destûr
û herweha fîdiralîyetî başûr û budcey herêmî Kurdistan zor be
wryayewe mameley le gelda biken û hîway xiwast ke endamanî
kutley hawpeymanî rolî xoyan le perlemanî Îraq da bibînin û rolî
berçawîş le lîjnekanî perleman û çawdêrî kirdinî wezaretekan
bigêrin.
înca berêz Dr. Fuad Mesum Serokî kutley hawpeymanî Kurdistan û
berêz Arif Teyfur cêgirî Serokî perlemanî Îraq û jimareyek le
endamanî hawpeymanî Kurdistan le perlemanî Îraq da zor be wirdî
sebaret bew meselaney ke Serokî Kurdistan lêyan diwa bîruboçûnî
xoyan xisterû ke cêy bayex berêzîyan bû.
-----------------------------------------------------------------------------------------vegere |
