28.9.2006

- Wezîrî Pêşmerge Omer Osman: “mijdetan pêdedem bem nizîkane herdû wezaretî Pêşmerge debine yek û debîne xawenî leşkirêkî yekgirtûy Kurdistan.”

- Fermandey Pêşmergey Zêrevanî lîwa Êzîz Weysî: “Pêşmergekanî em xole cêgay rêzin çunke le berem tînî germaw sereray kem û kuriyekan tiwaniyan serkewtwane kota be xolekeyan bihênin.”

Hewlêr/Rizgar Çuçanî/FPZ--- Rojî pênc şemme 28.9.2006  le baregay Fermandeyî Pêşmergey Zêrevanî be amadebunî berêzan ferîqî yekem Omer Osman niwênerî Serokî Herêmî Kurdistan û Wezîrî Pêşmerge û berêz Osman Omer berpirsî heyey giştî Rêkxistinî Pêşmerge û Faiq Tofîq niwênerî Wezaretî Nawxo û Dinan Mihamed Wezîrî Kar û Remzî Şeiban, niwênerî mektebî siyasî Partî Dîmokratî Kurdistan û Nasih Xifuri nwênerî Perlemanî Kurdistan û Newzad Hadî parêzgarî Hewlêr û niwêneranî Tîpî Zeytunî Koriya û hêzî hawpeymanan û sekretêrî Yekêtî Qutabiyan û niwêneranî Yekêtiyekanî Lawan û Afretan û Şêx û piyaw maqulanî eşayirî Ereb le nawçekanî Musil û Mexmur û zor mîwanî berêzî dîke rêw resmî derçiwanî xolî 11.Eylul berêweçu.

Kelem xoleda polêkî dîkey Pêşmerge ke pêk hatbun lew lawaney bellênî giyan bexşîniyan bo barêzgarî kirdin le welatekeyan dabu kotayiyan bew xole serbaziye hêna ke têyida goş kiran bezanistî pêşkewtî serbazî sereta le layin raîd Xusro Hemîd fermandey xol molletî nimayiş wergîraw be şêwazêkî ciwan û berzî serbazî nimayşî xoleke encam dira.

Pêşmerganî Emro Cêgay Rêzin

Diwatir ceneral Êzîz Weysî Fermandey Fermandeya Pêşmergê Zêrevanî wutarêkî pêşkeş kird û be xêrhatinî mîwane berêzekanî kird û amadebuniyanî be wefaw piştîwanî le Pêşmergê û Fermandeyî Pêşmergey Zêrevanî le qellem da. Le witarekey da berêziyan basî le we kird ke ew Pêşmerganî emro lem xoleda beşdarin û be serkewtû kota be xolekeyan dehênin cêgay rêzin çunke le bertînî germaw sereray kem û kuriyekan tiwaniyan be şêwaze ciwan û serbaziye û be serkewtû kota be xole keyan bihênin.

Le beşêkî dîkey witarekeyda berêziyan amajey be weda ke em Pêşmerganey emro dirêje pêderî xebatî Pêşmergekanî şoreşî mezinî Eylulin û be heman bîrubawerî şoreşî mezinî Eylul ew bîrubawere polayne ke be serokayetî Barzanî nemir destkewt gelêkî giringî bo em mîllete be dest hêna.

Le dirêjey em witare da berêz Fermandey Zêrevanî wutî Pêşmergey Zêrevanî  beşdarbiwanî em xole be ruxsar u akar serbazêkî pêşkewtî û modêrn û be bîrubawer xawenî îradey sebrî Pêşmergen.

Le kotayî witekeyda berêziyan zor supasî amadebunî hemû mîwanekanî kird û supasî serokayetî Kurdistan û hikumetî Kurdistanî kird bo hawkariyekaniyan. Herweha supasî sercem beşekanî zêrevanî û efser û mamostayanî meşqî kird ke mandubun le ser xistinî em xoley dîkey zêrevanî da beçeşnî hemû xolekanî dike.

 Pêşmerge Kurî Hemû Çîn û Tiwêjekanî Xelkî Kurdistane

Diwa be diway wutarekey berêziyan berêz Wezîrî Pêşmergê ferîqî yekem Omer Osman ke be niwênerayetî berêz Serokî Herêm amadey em merasîme bu û wutarêkî pêşkeş kird. Le seretay wutarekeda be xêrhatinî hêze hawpeymanekan û niwêneranî hizbî û hikumî û rêkxiraweyî û sercem mêwane berêzekanî kird û diwatir wutî geranewe bo bas kirdin. Le  seretay dirustbunî Pêşmergey hatine aray nawî Pêşmerge asan nîye belam hênde delêm Pêşmerge watay mîlletî Kurd û be dirêjayî mêjûy jêr destebunî em mîllete bo be dest hênanî azadî û mafe zewit kirawekanî Pêşmerge bunî hebiwew mercî şehîd bunî bo xoy danawe. Herweha wutî Pêşmerge kurî hemû çîn û tiwêjekanî xelkî Kurdistane be hemû pêk hatekaniyewe û Pêşmerge beztirîn û muqedestirîn nawe û sembolî xebat û parêzgariye le Kurdistan.

Belam dujminan û nahezan em hêze nîzamî û şoreşgêre be milîşiya naw deben. Le  katêkdake milîşiyane îtwanîwe bibête qiduwey hîç mîlletêk. Belam  Pêşmerge tiwanî bibête remzî têkoşanî Kurd û ser be dujminan dabinewênê her bo welamî dujmanan û ewaney ke deyanewê nawî milîşiya le hêzî pêşmergey Kurdistan binên. Berêz wezîrî Pêşmerge witî le diway azadî le ser pêşniyarî berêz serok Barzanî helbijardinî Perleman le jêr sayey parastinî Pêşmerge da le Kurdistan encam diraw. Hikumetî Kurdistan demezirêndiraw wezaretî Pêşmergeş yek le pêk hatekanî Hikumetî Herêmî Kurdistan bu ke le layen Perlemanî helbijêrdirawî Kurdistanewe şeriyetî pêdira hemu ewaneş wadekat be tundî qisew qiselokî nahezan ret bikirêtewe.

Nizîkane Leşkirî Pêşmergey Kurdistan Debête Yek

Herweha berêz ferîq Mir Osman witî zor lew serkirdew berpirsanî emro le Îraq hemûyan le jêr sayey Pêşmergey Kurdistan da jiyawin û karî xoyan kirdiwe boye debêt ewan le pêş hemû kes dan be mafekanî em mîllete dabinên.

Le barey yekgirtinewey herdû wezaretî pêşmerge le Kurdistan berêziyan wutî detwanim mijdey ewetan pêbidem ke bem nizîkane leşkirî Pêşmergey Kurdistan debête yek û parêzgarî le dest kewtekan deken. Le diwayin qisekanîda wezîrî Pêşmerge zor supas û dest xoşî bo Fermandeyî Zêrevanî û efser û mamostayanî meşiq hebu ke tiwaniyan serkewtwana polêkî dîkey Pêşmerge go şibiken.

Diwabediway witarekey berêziyan nimayşî Kung Fu be şêwazêkî ciwan û serinc rakêş berêweçu ke bu we mayey rezamendî û xoşhalî sercem amadebiwan û diwatir le layen berêz Raîd Xusro Fermandey xol molletî kişanewey xol le gurupanî meşiq wergîraw kota bem merasîme birşikohat.

-----------------------------------------------------------------------------------------vegere