Şanda Zerevanî Seredana Wezareta Werzîş û Lawan Kir     

Hewlêr/Hesen Eli/FPZ---  Dema amadekariyên sersala nû têne kirin di paytext Hewlêr da,  Fermandê Fermandeya Pêşmergên Zêrevanî General Azîz Weysî li gel şandeke seredana Wezareta Werzîş û Lawan kir.

Fermandeya Pêşmergeyên Zêrevanî û şanda pê re, ji layê Wezîrê Werzîş û Lawan birêz  Taha Berwarî ve li jorê xwe dihatin pêşwazî kirin.

Di hevdîtina li meqama wezîr da General Azîz Weysî bi kurtî agahdarî da li ser xebat û wezîfeyên Pêşmergeyên Zêrevanî Ya Kurdistanê û amaje da bi rol û girîngiya lawan li ser pêşeroja civak û Hikumeta Kurdistanê.

Fermandê Fermandeya Pêşmergên Zêrevanî General Azîz Weysî, weha got: "Lawan ne bes roleka girîng dilîzin bo zîndebûn û xurtbûna artêşê; ew hêza tevgerî ya hemû civakê ye. Berdewamkirina zîndebûn û tendirustiya vê hêzê jî helbet wezîfeyê Wezareta Werzîş û Lawan e. Bo xebatên di vê sehayê da em spas dikin bo Wezareta Werzîş û Lawan û serkewtinê dixwazin."

Herdu rêvebir bi taybetî ragihandin ku pêwîst e têkeliyên Wezareta Werzîş û Lawan û Hêzên Peşmergeyên Zêrevanî zêdetir werin xurtkirin.

Bi xwestekên aramî û aştî û serkewtina sala nû ew hevdîtin bi dûmahîk hat.

----------------------------------------------------------------------------------------vegere